Puyan 7:9 - Maung A Balita Biblia

⁹ Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Maung a Balita Biblia

⁹ Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Puyan 7:9 Referans Kwoze

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Juan 12:13

Kanyan angala ray sanga-sangay kiew a palma tan inabet dad paway na siudad. Ineeyag da, “Hosanna! Bindisionan komuy Dios so onla dia ed ngaray Katawan! Bindisionan na Dios komun so Ari na Israel!”

Saray Salmo 2:8

Kerew ka, et iter kod sikan amin iray bansa; nakayaryan moy intiron mundo.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 6:11

Naitday balang sakey ed sikara na ampotin kawes. Nibagad sikaran mampainawa ni ran magano, anggad nasabiy dugan bilang na saray agagi tan kakaiba ran managlingkur a napatey met a singa sikara.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

Levitico 23:40

Diad satan ya agew mangala kayoy pigaran sankaabigan a bungay kiew, saray sangay kiew a palmira tan saray sangay mabolung a kiew tan igapo yoy mampista a pangigalang yod Katawan a Dios yo.

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Hebreo 11:12

Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.

TAGA-EFESO 6:13

Kanyan isolung yo la ra natay armas na Dios! No onsabi lad satay agew a maoges, nayarian yon labanan iray kalaban yo, tan kasumpal na pilaban yo, mabiskeg ki nin manalalagey.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Daniel 6:25

Insan sinulat nen Ari Dario iray totoo ed amin a bansa, anggan antoy kolor na baog da tan salita ra: “Maabig komun so kipapasen yon amin a sabien to yan ganggan ko.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Daniel 4:1

Si Ari Nabucodonosor impaikuanto ed amin da ray totoo ed amin a bansa, anggan antoy kolor na baog da tan salita ra, diad intiron mundo: “Pinablik iran totook!

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Puyan 5:11

Ninmengneng ak lamet, tan nadngel koy bosis a libo-libo tan laksalaksan anghil! Akaliber irad samay trono, saramay mabilay a pinalsa, tan saramay mamatakken,

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Saray Salmo 76:4

Ontan lay kagalangan mo, O Dios! Ontan lay inkatalonggaring mo legan mon ompapawil manlapud saray palandey ya analoan mod saray kalaban mo.

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Puyan 7:8

labinduan libo so nanlapud tribu nen Zabulon; labinduan libo so nanlapud tribu nen Jose; tan labinduan libo so nanlapud tribu nen Benjamin.

Puyan 22:3

Diad saman a siudad anggapoy naalmon antokaman ya insambay Dios. Naalmod saman a siudad so tronoy Dios tan say Kordiro, tan mangigalang ed sikato ray aripen to.

Ezekiel 47:5

Anukat ni na liman lasus tan apataplo tan siam a mitro, et araldalem lad may danum kanyan ag ko la nayarin yakyaken. Araldalem la so danum ya ag la nabaliw likud labat no langoyen.