Puyan 17:15 - Maung A Balita Biblia

¹⁵ Inkuanto met ni may anghil ed siak, “Saramay anengneng mon danum a yoyorungan na samay bii et sikaray totoo, bansa, boleg, tan salita.

Maung a Balita Biblia

¹⁵ Inkuanto met ni may anghil ed siak, Saramay anengneng mon danum a yoyorungan na samay bii et sikaray totoo, bansa, boleg, tan salita.

Puyan 17:15 Referans Kwoze

Puyan 17:1

Kasumpal to ya, dinmagod siak so sakey ed saramay pitoran anghil a sankaawit day pitoran yaung tan inkuanto, “Gala dia, ta ipanengneng kod sika no panoy kadusa na makapanyarin marotak a bii, a salanti say makapanyarin siudad a nipaalagey ed abay na amayamay ya ilog.

Jeremias 51:55

Dederalen koy Babilonia tan ag ko paeeselen. Singa manungol a daluyon so peles da ray sondalo, tan maneyaeyag iran ondogpa.

Jeremias 51:13

Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.

Puyan 11:9

Diad loob na taloy agew tan kapaldua, saray bangkay da nengnengen na saray totoon manlapud amin a katoowan, tribu, salita tan bansa; tan ag da abuloyan a nipompon ira.

Puyan 10:11

Insan inkuantod siak, “Nakaukolan ya ibawag mo lamet iray salitay Dios nipaakar ed amayamay a katoowan, bansa, salita, tan arari.”

Jeremias 51:42

Sinmapat ed Babilonia so danum na dayat, tan tinabunan to na manungol iran daluyon.

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Saray Salmo 18:4

Walad kaliber-liber ko so kaatapan na patey; saray daluyon a managderal tinatabunan da ak.

Jeremias 47:2

Inkuanto: “Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Ezekiel 31:4

Walay danum a mamapabaleg ed sayan kiew, Wala ray sobul ed dalem na dalin a manatagano ed samay kiew. Sinalog da may pasen a tutubuan to may kiew. Tan angipaagos iray danum na kolus ed amin da ray kiew ed takel.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.