Puyan 16:1 - Maung A Balita Biblia

¹ Nadngel koy maksil a bosis a nanlapud timplo ya inkuantod saramay pitoran anghil, “Laka yo ta ikalbo yo lad mundo ray pitoran yaung a napnoy pasnuk na Dios!”

Maung a Balita Biblia

¹ Nadngel koy maksil a bosis a nanlapud timplo ya inkuantod saramay pitoran anghil, Laka yo ta ikalbo yo lad mundo ray pitoran yaung a napnoy pasnuk na Dios!

Puyan 16:1 Referans Kwoze

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Puyan 16:17

Samay kumapiton anghil inkalbo tod dagem so kargay yaung to. Walay maksil a bosis a nanlapud trono ed timplo tan inkuanto, “Asumpal lan agawa!”

Saray Salmo 79:6

Pampasnukan mo pa ray bansan ag mangigagalang ed sika, saray totoon ag mampipikasid sika.

Ezekiel 10:2

Say Dios kuantod samay toon akakawes na linen, “Lakad nanleetan na saray dalig a walad silong da ra may pinalsa tan panom na ngalab iray limam. Insan mo itayak ed intiron siudad iray ngalab.” Binantayan kon linma.

Puyan 14:18

Pinmaway niy sananey ya anghil a nanlapud altar. Sikato yay anghil a walay pakaoley tod apoy. Inkuantod maksil a bosis ed anghil a walay matdem a palot, “Ikanam la tay palot mo. Borbor mo ray ubas ed saray kaubasan diad mundo, ta aloto la ra!”

Puyan 14:15

Insan pinmaway so sananey ya anghil a nanlapud timplo tan inkuantod maksil a bosis ed samay akayorung ed lorem, “Ikanam tay palot mo tan manani ka, ta panagani la. Matakken lay aaniyen ed mundo!”

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 15:18

tan ingganggan to kan mamatey ed saray Amalecitan maoges a totoo. Imbaga ton labanan yo ra ya anggad napatey yo ran amin.

Ezekiel 22:31

Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra.” Say Katawan a Dios so nansalita.

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.