Puyan 15:8 - Maung A Balita Biblia

⁸ Say timplo napno na asewek a nanlapud kagalangan tan pakayariy Dios, tan anggapoy makaloob ed timplo, anggad kasumpal na pitoran salot ya inawit da ra may pitoran anghil.

Maung a Balita Biblia

⁸ Say timplo napno na asewek a nanlapud kagalangan tan pakayariy Dios, tan anggapoy makaloob ed timplo, anggad kasumpal na pitoran salot ya inawit da ra may pitoran anghil.

Puyan 15:8 Referans Kwoze

Isaias 6:4

Niyegyeg na saray bosis da so pundasion na Timplo, tan napno na asewek so dilin Timplo.

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Saray Salmo 29:9

Say bosis na Katawan yuyugayogen to ray kiew a robli tan papepelagen to ray bolung na kakiewan, legan ya amin a totood Timplo to et oneeyag, “Nagalang so Dios!”

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Saray Tagleey 3:44

Sinmanib kad lorem na pasnuk, kanyan ag makasabi ray pikakasi mi.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.