Puyan 15:5 - Maung A Balita Biblia

⁵ Kasumpal to ya, anengneng kon alokasan ed tawen so timplo a kawalaay Tuldan Ayamay Katawan.

Maung a Balita Biblia

⁵ Kasumpal to ya, anengneng kon alokasan ed tawen so timplo a kawalaay Tuldan Ayamay Katawan.

Puyan 15:5 Referans Kwoze

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

Exodo 38:21

Saya so listaan na belat na saray mital ya inkana ed Tuldan Ayamay Katawan, a kawalaan na duaran tapyak a bato ya akaitatakan na Samploran Ganggan. Si Moises so angiganggan a gawaen yan listaan tan ginawa na saray Levita a mankikimey diad panangiwanwan nen Itamar a lakin anak nen Aaron a pari.

Exodo 25:21

Ikargam ed dalem na Kaban iray duaran tapyak a bato tan iyan moy sakub ed tapew to.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

Puyan 13:6

Inayew toy Dios, say ngaray Dios, say abung na Dios, tan saray manaayam ed tawen.