Puyan 14:4 - Maung A Balita Biblia

⁴ Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Maung a Balita Biblia

⁴ Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Puyan 14:4 Referans Kwoze

Puyan 3:4

Anggaman ontan, wala ray pigarad sikayo ed Sardis ya ag nandotak na saray kawes da. Kanyan akaampoti ran manakar a kaibak, lapud manepeg ira.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 10:27

Ondedengel na bosis ko ray karnirok. Amtak ira tan totombuken da ak.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Saray Salmo 74:2

Nunot mo pa ray totoom ya abayag mo la ran pinili a kayaryan mo, saray totoon inagwat mod impakaaripen da, pian magmaliw iran dilin tribum. Nunot mo pay Palandey na Sion a nanayaman mo nen saman.

1 CORINTO 6:20

mabliy impanaliw tod sikayo. Kanyan ikana yoy laman yo a pamagalang ed Dios.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

TAGA-EFESO 1:14

Say Ispiritu so kaletan ya awaten tayo so insipay Dios ed saray totoo to, tan impailalo to a say Dios itdan toy nagnap a kawayangan iray totoon kayaryan to. Itanduro tayoy kagalangan na Dios!

1 CORINTO 16:15

Agagi, kabat yoy Estefanas tan say pamilya to; sikaray inmonan nagmaliw a Cristiano dimad Acaya, tan insaklang day bilay da a manlingkur ed saray totoon pinili na Dios. Kerewen ko, agagi,

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Juan 13:37

“Katawan, akin et ag ta ka natombuk natan?” tinepet nen Pedro. “Sipaparaan ak ya ompatey makasengeg ed sika!”

Mateo 25:1

“Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Mateo 8:19

Walay sakey ya iskriban inmasingger ed sikato. “Maistro,” kuanto, “sipaparaan ak a milad anggan iner a laen mo.”

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.

1 CORINTO 7:28

Balet no mangasawa ka, ag ka mankasalanan, tan no miasaway sakey a marikit ag met mankasalanan. Balet nagunigon irad sayan bilay, et sikato yay labay kon napaliisan yo.

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Kanta nen Solomon 6:8

Anggaman anemaplo so riyna na ari, walomploy iyaamung ton bibii, tan ag nabilang iray eegnaan ton mamarikit,

Saray Salmo 45:14

Marakerakep so kawes to nen niyaakar ed ari, tan manomtombok iray mamarikit a mangoolup ed sikato, a niyaakar met ira ed ari.

Mateo 19:12

Ta nandoromay makasengeg no akin et ag mangasawa ray lalakin arum. Wala ray ag mangasawa lapud inyanak iran ag da nayariay mangasawa; wala met iray ag da nayarian lapud gaway too; saray arum, balet, ag ira mangasawa lapud panlilingkur dad Panariay tawen. Siopamay makatombuk ed sayan bangat sikato yay tombuken to.”

TAGA-EFESO 5:27

pian niparontal tod sikaton dili so iglisia—marakep, anggapoy mansa o komanet to, masanto, malinis, tan anggapoy pakabalawan.

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Puyan 21:22

Anggapoy anengneng kon timplo ed samay siudad, ta say Katawan a Dios a Makapanyarin-amin tan say Kordiro so pinagkatimplod man.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.