Puyan 14:2 - Maung A Balita Biblia

² Nadngel koy bosis a nanlapud tawen a singa tanul na mabiskeg ya agos tan dalagorug na maksil a karul. Say nadngel ko singa tanul na saray arpan totogtogen da ray managtogtog.

Maung a Balita Biblia

² Nadngel koy bosis a nanlapud tawen a singa tanul na mabiskeg ya agos tan dalagorug na maksil a karul. Say nadngel ko singa tanul na saray arpan totogtogen da ray managtogtog.

Puyan 14:2 Referans Kwoze

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Puyan 1:15

Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Puyan 15:2

Anengneng koy singa dayat a salming ya alaukay apoy. Anengneng ko met iray analo ed samay ayep tan say talintao to, tan diad samay say ngaran to et sakey a numiro. Akaalagey irad gilig to may dayat a salming, tan sankabembenan da ray arpan inter na Dios ed sikara.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Ezekiel 43:2

et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Saray Salmo 33:2

Misalamat kayod Katawan diad panamegley na pantogtog yod saray lira, kantaan yo a binansagan na saray arpan samploray deles.

2 Samuel 6:5

Si David tan amin ya Israelita et nansasayaw tan nankakanta ra ed anggaay nayarian da a pangigalang ed Katawan. Nantotogtog iray arpa, saltirio, tambul, tamborin, tan piangpiang.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Puyan 18:22

Ag lan balut narengel ed sika iray togtog na arpa, plauta, tan trumpita! Ag lan balut nanengneng ed sika iray marunong a gumagaway antokaman, tan ag lan balut narengel ed sika ray tanul na gilingan!

Puyan 11:12

Kasumpal to ya, arengel na saramay duaran propita so maksil a bosis a nanlapud tawen ya inkuanto, “Segep kayo dia!” Sankanengneng iray kalaban da nen tinmagey irad tawen diad sakey a lorem.

Puyan 6:1

Anengneng kon inekal na samay Kordiro so onaan ed saray pitoran timbri, tan nadngel koy sakey ed saray apatiran pinalsa a mabilay ya inkuanton singa karul, “Gala dia!”

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Saray Salmo 93:4

Manaarid tawen so Katawan, matalonggaring ni nen say ungol na dayat tan makapanyari ni nen saray daluyon.

Saray Salmo 92:3

ya olupen na togtog na nandeles a kagawaan na musika, tan say laineng na arpa.

Saray Salmo 57:8

Liing ka, O kamarerwak! Liing kayo, sikayon arpak tan lirak! Liingen ko so agew!

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 98:5

Kantaan yo na saray dayew so Katawan! Mantogtog kayod saray arpa!

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Saray Salmo 147:7

Kantaan yo na saray imno na dayew so Katawan; togtogan yod arpa so Dios tayo.

Saray Salmo 43:4

Onla ak ed satan ed altar mo, O Dios; sikay panlalapwan na liket ko. Togtogen koy arpak tan kantaan ta kay panangidayew, Dios, O Dios ko!

1 CORINTO 13:1

Anggaman a nayarian koy mansalita na nandoroman salita da ray totoo tan saray anghil, no anggapo balet so arok, singa ak labat matalangatang a kampana tan makmaknul a piangpiang.

2 Saray Awaran 20:28

Nen kasabi rad siudad, tinmalus irad Timplo a tinogtogan ira na saray arpa tan saray trumpita.