Puyan 13:5 - Maung A Balita Biblia

⁵ Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Maung a Balita Biblia

⁵ Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Puyan 13:5 Referans Kwoze

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 7:8

Nen nenengnengen ko ra may saklur to, anengneng kon ontutubod kawalaan da so sakey a melag a saklur. Binagut toy taloran saklur ed saramay wadman la. Sayan saklur wala ray mata ton matay too tan walay sangi ton mapasirayew a mansalita.

Puyan 12:6

Binmatik ed kalawakan imay bii, diad pasen ya imparaay Dios ed sikato a dimay pakaasikasoan ed sikato diad loob na sanlibo, duan lasus tan anemaplon agew.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 7:11

Nen onnenengneng ak, sankarengel ko ni may melag a saklur a malangas tan mapasirayew a mansasalita. Nen ombabantay ak, apatey imay kumapat ya ayep, tan nibantak ed manliub ya apoy so bangkay to tan diman dinmapul.

Puyan 12:14

Balet naitdan imay bii na duaran payak na baleg ya agila, pian makatikyab ed pasen to diad kalawakan. Diman naasikaso ed loob na taloy taon tan kapaldua, pian naliktaran toy pasnuk na oleg.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Daniel 7:20

Nilabay ko met a naamtaan so nipaakar ed saramay samploran saklur ed olo to tan say saklur a tinmombuk a tinmubo tan pinapelag toy talora ed saramay saklur. Wala ray mata to tan sakey a sangi tan mapasirayew a mansasalita. Makapataktakot ni nen saramay arum.

Puyan 13:7

Naabuloyan met a labanan tan taloen to ray totoo na Dios, tan naabuloyan met ya oleyan toy amin a tribu, too, salita, tan bansa.

Puyan 11:7

Kasumpal dan mampulong, ompaway so ayep a walad ag natokur ya abut, tan labanan to ra. Taloen tan pateyen to ra,

Saray Salmo 12:3

Patondam pa lan amin iray managpalikdon dila, Katawan! Pepetan mo ray mapasirayew a sangi a kuanda,

Daniel 8:14

Nadngel kon inmebat imay sananey ya anghil, “Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.”

Daniel 12:12

Maliket iray totoon mansiansian matoor ya anggad kalabas na sanlibo, talon lasus tan talomplo tan lima ya agew!

2 TESALONICA 2:3

Ag kayon balut patitilaan ed anggan siopa. Say Agew na Katawan et ag onsabi ya anggad nagaway kaonuran a Bakal a sumlang ed Dios tan say ipaway na samay Maoges a niganad andi-anggaan a dusa.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Ezekiel 35:13

Nadngel koy mapalalon mapaatagey ya impansasalitam sumpad siak.”