Puyan 13:13 - Maung A Balita Biblia

¹³ Makapakelkelaw iray milagron ginagawa to may kumadwan ayep. Impelag tod dalin so apoy a nanlapud tawen, diad arap da ray katoowan.

Maung a Balita Biblia

¹³ Makapakelkelaw iray milagron ginagawa to may kumadwan ayep. Impelag tod dalin so apoy a nanlapud tawen, diad arap da ray katoowan.

Puyan 13:13 Referans Kwoze

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

Puyan 20:9

Kinmakayat irad intiron mundo tan nililiktub day kampo na saray totooy Dios tan say inararo ton siudad. Balet pinmelag so apoy a nanlapud tawen tan inoput to ra.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

Marcos 13:22

Ta dakel iray tila-tilan Cristo tan tila-tilan propita ya onsabi. Manggawa ray tanda tan pakelaw pian napalingo ra, no nayari, iray totoon piniliy Dios.

Puyan 11:5

No walay manalin mamasakit ed sikara, ompaway ed sangi ra so apoy a mangoput ed saray kalaban da. Diad onya ompatey so siopaman a manalin mamasakit ed sikara.

2 Timoteo 3:8

Singa insumlang di Janes tan Jambres ed kinen Moises, ontan da met ira yan totoo: onsusumlang irad katwaan. Anggapo lay kamaungan a nunoten da tan andi-kakanaay pananisia ra.

Mateo 16:1

Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Exodo 9:11

Ag ayarian na saramay managsalamangka so akiarapan ed kinen Moises, lapud napnoy laman da na pelsa a singa amin da ray arum ya Egipsio.

Exodo 8:7

Balet saramay managsalamangka impakana ray donung dan mansalamangka, tan pinasakbit da met iray patang ed intiron bansa.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.