Puyan 1:16 - Maung A Balita Biblia

¹⁶ Sankabembenan toy pitoran bitewen ed kawanan a lima to, tan ompapaway ed sangi toy sakey a matdem ya ispadan nantopag so tarem. Say lupa to singa liwaway agew ed kaptangan.

Maung a Balita Biblia

¹⁶ Sankabembenan toy pitoran bitewen ed kawanan a lima to, tan ompapaway ed sangi toy sakey a matdem ya ispadan nantopag so tarem. Say lupa to singa liwaway agew ed kaptangan.

Puyan 1:16 Referans Kwoze

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

Puyan 2:16

Kanyan mampatauli ka! Ta no andi, onla ak ditan a tampol, tan labanan ko ra yan totoo diad panamegley na ispadan ompapaway ed sangik.

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

Puyan 2:12

“Isulat mod anghil na iglisia ed Pergamo: “Sikato yay ibabaga to may walay matdem ya ispadan nantopag so tarem.

TAGA-EFESO 6:17

Isolung yon pinagkahilmit yo so kilalaban, tan ala yoy salitay Dios a sikatoy ispadan iiter na Ispiritu.

Isaias 49:2

Ginawa ton singa matdem ya ispada iray salitak. Inyagel to ak na dilin lima to. Ginawa to ak a singa sakey a panan matdem tan sipaparaan ya ikana.

Puyan 19:21

Saray dakerakel a sondalo ra pinatey met na samay ispada a pinmaway ed sangi to may akakabayo; tan nansawa ray manok ya angan ed bangkay da.

Mateo 17:2

Nen wadman ira naimatunan da a naoman so nengneng nen Jesus: sinminag a singa agew so lupa to tan pinmotin singa liwawa so kawes to.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 3:1

“Isulat mod anghil na iglisia ed Sardis: “Sikato yay ibabaga na walad sikatoy pitoran ispiritu na Dios tan saray pitoran bitewen. Amtak so gagawaen mo; amtak ya ipapasen da kan mabilay anggaman ya inatey ka!

Saray Gawgawa 26:13

Nen kapegleyay agew, legan min mambiabiahi, anengneng ko, Arin Agripa, so silew a nanlapud tawen tan lalon maliwawa nen say agew. Niliwawaan toy kaliber-liber ko tan saray kakaibak.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Puyan 12:1

Kasumpal to ya, linmetaw ed tawen so makapakelkelaw a sinyal: sakey a biin say agew so kawes to, say bulan so tinoonan da ray sali to, tan nankoronay labinduan bitewen so olo to.

Puyan 10:1

Kasumpal to ya, anengneng ko niy sananey a makapanyarin anghil ya onaabeban nanlapud tawen. Akakawes na lorem, tan walay bonlalakaw ed tagey na olo to. Singa agew so lupa to, tan saray bikking to singa ra ankakabaleg a lusek ya apoy.

Daniel 12:3

Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Say Libro nen Job 38:7

Diad saman a palbangon nankakasakey a nankanta ray bibitewen, tan inmeeyag ed liket iray anghil.

Daniel 8:10

Pinmalaloy imbiskeg to ya anggad nilalabanan to ray sondalo ed tawen, saray dilin bitewen, insan to imbantak ed dalin iray pigarad sikara tan ginagatinan to ra.

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Saray Salmo 45:3

Isalokbit mo lay ispadam, arin makapanyari; mapagalang tan matalonggaring ka.

Kanta nen Solomon 6:10

Siopa yay singa palbangon so kalilinggis to? Maganggana tan maliwliwan singa agew odino say bulan.

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

Saray Huis 3:16

Nanggaway Aod na duaray tarem ya ispada a ngalngalin kapalduay mitro so karokey to. Imbalkes tod kawanan a diking to ya asakbungay kawes to.