Probirbio 9:6 - Maung A Balita Biblia

⁶ Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Maung a Balita Biblia

⁶ Taynan moy olupan da ray totoon anggapoy amta, tan mambilay ka. Mankurang kad dalan na pakaamta.

Probirbio 9:6 Referans Kwoze

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 4:11

Imbangat kod sikay kakabatan tan inwanwan ta kad dalan na matonung a panagbilay.

Lucas 13:24

“Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Puyan 18:4

Nadngel kon nanlapud tawen so sakey nin bosis ya inkuanto, “Paway kayod sikato, totook, paway kayo! Ag kayo nepeg a mibiang ed saray kasalanan to; ag kayo nepeg a nadusan kaiba to!

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

Probirbio 9:11

Say kakabatan parokeyen toy bilay mo diad tapew na dalin.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 45:10

Sikan nubiay ari, dengel ka pad ibagak— lingwanan mo ray totoom tan saray kakanayon mo.

Probirbio 10:17

Mambilay iray totoon ondengel no pepeteken ira, balet walad kaatapan iray totoon ag da birbiren so kalilingo ra.

Probirbio 23:19

Dengel ka, anak ko, magmaliw kan makabat, tan daldalepdep mo so kabibilay mo.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.