Probirbio 8:36 - Maung A Balita Biblia

³⁶ Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Maung a Balita Biblia

³⁶ Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.

Probirbio 8:36 Referans Kwoze

Probirbio 15:32

No ag mo labay so manaral, sisibletan moy sikan dili. No awaten moy maung a simbawa naaromay kakabatan to.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Probirbio 21:6

Say kayamanan a nanaalam ed saol et kabebekta naandipat, balet aliwan kasakbayan na pangiwanwan tod sika ed sangabay lobuk.

Say Libro nen Job 35:6

No mankasalanan ka, ag nasakitan so Dios. No mamimpiga-piga kan manggaway kaogsan, liknaen kasi na Dios?

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Jeremias 27:13

Akin et ompatey kayod bakal, o diad salot? Sikato yay imbaga na Katawan a nagawa ed dinan man a bansan ag paoleyan ed ari na Babilonia.

Saray Gawgawa 16:28

Balet inmingaingal si Pablo, “Ag mo papasakitay laman mon dili, ta wadya kamin amin!”