Probirbio 8:35 - Maung A Balita Biblia

³⁵ Say toon makalmod siak narurumog toy bilay, tan manliket so Katawan ed sikato.

Maung a Balita Biblia

³⁵ Say toon makalmod siak narurumog toy bilay, tan manliket so Katawan ed sikato.

Probirbio 8:35 Referans Kwoze

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Probirbio 12:2

Pakaliliketan na Katawan iray totoon matonung, balet sisintinsiaan ton nadusa iray mamplaplanoy kaogsan.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

COLOSAS 3:3

Ta inatey kayo la, tan diad Dios akaamut so bilay yo a kaiba nen Cristo.

FILIPOS 3:8

On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Probirbio 4:22

Itdan da na bilay tan abig-laman so siopaman a makatatalus ed sikara.

Probirbio 3:4

No gawaen mo ya, magmaliw kan maung tan makapaliket ed Dios tan too.

Probirbio 3:22

Itdan da ka na bilay—bilay a makaroyroyo tan maliket.

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Probirbio 18:22

Say toon akalmo na maung ya asawa to akarumog na maung a bengatla; ipapanengneng na saya a maung so linawa na Katawan ed sikato.

Ecclesiastes 7:12

Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapan—sikato yay kamaungan na pakatalus.

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.