Probirbio 8:17 - Maung A Balita Biblia

¹⁷ Inarok iray mangaarod siak; narumog ak na saray maseet a manaanap ed siak.

Maung a Balita Biblia

¹⁷ Inarok iray mangaarod siak; narumog ak na saray maseet a manaanap ed siak.

Probirbio 8:17 Referans Kwoze

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Isaias 55:6

Pawil kayod Katawan tan mampikasi kayod sikato, natan ta asingger ni.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

1 Juan 4:19

Mangaro tayo, ta inmonan angarod sikatayo so Dios.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Juan 16:27

ta sikaton dili et inaro to kayo. Inaro to kayo lapud inaro yo ak, tan sinisia yon nanlapu ak ed Dios.

Marcos 10:14

Asanukay Jesus nen anengneng to yan ginawa da ray disipulo to tan kuantod sikara, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Ecclesiastes 12:1

Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, “Ag ak la manliliket ed sayan bilay.”

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

Probirbio 2:4

Panseetan mon anapen a singa pananap mod pilak odino arum a niamut a kayamanan.

Probirbio 2:5

No onyay gawaen mo, nakabatan mo no antoy kabaliksan na itakot ed Katawan, tan naamtaan mo so nipaakar ed Dios.

Probirbio 4:6

Ag mo ikakaindan so kakabatan, et iyagel to ka; arom, et iyarawi to kad kaatapan.

Probirbio 8:16

Tutulongan kon manoley iray amin a pangulo diad tapew na dalin, saray prinsipi tan saray atatagey so betang da.

Kanta nen Solomon 3:4

Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.