Probirbio 6:32 - Maung A Balita Biblia

³² Balet anggapoy kalakal so lakin mikakaloguran. Dederalen to labat so sikaton dili.

Maung a Balita Biblia

³² Balet anggapoy kalakal so lakin mikakaloguran. Dederalen to labat so sikaton dili.

Probirbio 6:32 Referans Kwoze

Probirbio 7:7

anengneng ko ray amayamay a tobun-balon lalaki ya anggapo niy salsali rad panagbilay, balet walay naimanok a sakey a makulang-kulang.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Exodo 20:14

“Ag ka mikakaloguran.

Genesis 41:39

Inkuan na ari ed kinen Jose, “Impanengneng na Dios ed sika yan amin, kanyan anggapoy ontalonad sika ed kakabatan tan kaisipan.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Jeremias 5:8

Singa ra saray kabayon istalyon a maung so kapapakan da tan manariba ran mapalalo; balang sakey pilalek ton naakdulan so asawa na kaabay to.

Probirbio 9:4

“Loob kayo, sikayon totoon anggapoy amta!” Insan diad toon makulang-kulang kuanto,

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Oseas 13:9

“Deralen ta kayo, sikayo ran totood Israel! Diad satan siopay makatulong ed sikayo?

Probirbio 6:33

Sakit na laman tan kaandiay kagalangan so nasagmak to; ag manganggay pakapelag tod kababaingan.

Probirbio 10:13

Makabaliksan iray salitaen na toon makabat, balet nepeg a nadusa iray makulang-kulang.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Probirbio 11:12

Makulang-kulang so toon mambabalaw ed kapara ton too. No makabat ka mandeen ka.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 24:30

Dinmalan ak ed kaalogan tan kaubasan na toon mangiras tan makulang-kulang.

Probirbio 2:2

Dengel kad kakabatan tan apiger mon talusan.