Probirbio 6:16 - Maung A Balita Biblia

^16-19 Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Maung a Balita Biblia

^16-19 Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Probirbio 6:16 Referans Kwoze

Saray Salmo 11:5

Say Katawan sasalaysayen to ray matonung tan saray maoges a totoo; kabkabosul to ray totoon maruksa.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Probirbio 11:20

Kabosul na Katawan iray totoon walay maoges a kanunotan, balet inaro to ray manggagaway kaptekan.

Probirbio 3:32

lapud makapaingungot ed Katawan iray manggagaway kaogsan, balet makapaliket ed sikato iray totoon matonung.

Deuteronomio 25:16

Kabosul na Katawan iray totoon masaol.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Probirbio 11:1

Kabosul na Katawan so masaol a simbangan, balet maliket ed dugan simbangan.

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

Amos 1:11

Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Probirbio 30:21

Walay apatiran bengatla ya ag nayarin abuloyan na sankamundoan:

Probirbio 20:23

Kabosul na Katawan iray mangikakana na masaol a simbangan tan sukatan.

Deuteronomio 24:4

Diad ontan samay asawan inmona ag to nepeg ya asawaen lamet imay bii; nepeg ton ipasen a marotak la. No asawaen to lamet, manggawa na makapaingungot ed Katawan. Ag kayo nepeg a manggawa na onyan kasalanan no wala kayo lad dalin ya iiter ed sikayo na Katawan a Dios yo.

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Probirbio 30:29

Wala ray apatiran bengatla a marakep iran bantayan no manaakar ira:

Probirbio 20:10

Kabosul na Katawan iray mangikakana na masaol a simbangan tan sukatan.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Probirbio 30:24

Diad mundo wala ray apatiran ayayep ya ankekelag, balet mapalaloy inkasilib da:

Probirbio 30:18

Wala ray apatiran bengatlan makapakelaw ya ag ko natalusan:

Probirbio 6:15

Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

Say Libro nen Job 5:19

Lawas iyagel to ka ed gunigon tan kaogsan;

Saray Salmo 5:7

Balet siak, nayarian koy onloob ed abung mo lapud ag mangoman a panangarom; nayarian koy mangigalang ed masanton Timplom, tan mandakmomo ed sika a pangigalang ko.

Probirbio 12:22

Kabosul na Katawan iray matila, balet maliket ed saray matoor ed salita ra.

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.