Probirbio 5:22 - Maung A Balita Biblia

²² Sakey a patit iray kasalanan na maoges a too. Naerel so maoges a too ed iket na dilin kasalanan to.

Maung a Balita Biblia

²² Sakey a patit iray kasalanan na maoges a too. Naerel so maoges a too ed iket na dilin kasalanan to.

Probirbio 5:22 Referans Kwoze

Probirbio 11:5

Say kaptekan papainomayen toy bilay na maung a too, balet say toon maoges deralen toy sikaton dili.

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Probirbio 11:3

No maung ka iwawanwan ka na kaptekan. Saray totoon ag napampiaan dederalen ira na inkasaol da.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Saray Huis 20:41

Insan pinmoliktar ira may Israelita, et atalagnaw ira may Benjaminita lapud abirbir dan ngalngali la ra naoput.

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Saray Huis 9:57

Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Say Libro nen Job 18:8

Nasabi toy patit ya iket nasinger ed satan iray sali to;

Saray Salmo 9:17

Patey so pansumpalan na amin da ray totoon maoges, amin da ray mangipopolisay ed Dios.

Probirbio 11:6

Say inkatonung iyaagel toy toon maptek so panagbilay to, balet say toon ag napampiaan nanaerel na dilin inkaagom to.

Probirbio 12:14

Saray salita tan gawgawa na too so pakatumangan to; say manepeg ed sikato so nagamuran to.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 18:7

No mansalita so makulang-kulang, dederalen toy sikaton dili, nanaerel ed patit na saray dilin salita to.

Probirbio 24:12

Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Probirbio 26:27

Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

Obadias 1:15

“Asingger lay agew a siak a Katawan et sintinsiaan ko ray amin a bansa. Edom, no antoy ginawam, ontan met so nagawad sika. No antoy intanem mo, sikatoy anien mo.