Probirbio 5:20 - Maung A Balita Biblia

²⁰ Anak ko, akin et iter moy panangarom ed arum a bii? Akin et labay mo niy ganggana na asaway arum a laki?

Maung a Balita Biblia

²⁰ Anak ko, akin et iter moy panangarom ed arum a bii? Akin et labay mo niy ganggana na asaway arum a laki?

Probirbio 5:20 Referans Kwoze

Probirbio 7:5

Iyarawi da kad bibiin asawa na arum a lalaki, tan diad bibiin marotak a makaayat iray salita ra.

Probirbio 6:24

Niarawi da kad saray marotak a bibii tan nipaliis da kad makaayat a panagsalita da ray asawa na arum a lalaki.

Probirbio 23:33

Makanengneng kad satan na nidoma-doma ran bengatla, tan ag ka makapannunot o makapansalita na malinew.

Probirbio 22:14

Say pikakaloguran et sakey a patit—eerelen to ray pamapasnukan na Katawan.

1 Saray Arari 11:1

Amayamay si bibiid arum a bansa so naibegan nen Solomon. Likud ed samay inasawa ton anak na ari ed Egipto, angasawa ni na saray bibiin Moabita, Ammonita, Edomita, Sidonia, tan Hetea.

Probirbio 5:3

Masamit a singa dilo so bibil na arum a laki tan malamuyot a singa larak na oliba so kakaangub to.

Malakias 2:14

Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Malakias 2:16

“Kabosul koy pansiyan na sanasawa,” kuay Katawan a Dios na Israel. “Ag ko labay a balut a sakey ed sikayo et gawaen tod asawa to itan a maruksan bengatla. Alwaran yo sirin ya ag yo dederalen so sipan yon matoor kayod asawa yo.”