Probirbio 4:16 - Maung A Balita Biblia

¹⁶ Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Maung a Balita Biblia

¹⁶ Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Probirbio 4:16 Referans Kwoze

Saray Salmo 36:4

Mangiplaplanoy maoges no mandokdokul; anggapoy maung a gagawaen to; ag ton balut ipopolisay so kaogsan.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Isaias 57:20

Balet saray totoon maoges singa ra madaluyon a dayat, a dotak tan linang so isasakbit da.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Probirbio 1:16

Magangganat iran manggaway kaogsan. Mammainomay day mamatey.

Lucas 22:66

Kasabiy kabwasan, nantitipon iray kabyangay Sanidrin: saray mamatakken na baley, saray manonan papari, tan saray iskriba, tan inyarap day Jesus ed sikara.

Juan 18:28

Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Probirbio 4:15

Ag mo gagawaen! Arawian moy antokaman a kaogsan! Ipolisay mo tan ituloy moy kurang mo.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Probirbio 2:14

saray totoon panliliketan day panggaway kabandayan tan panggagayagaan ed andi-kakanaan so kaogsan,

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.