Probirbio 4:13 - Maung A Balita Biblia

¹³ Nunot mo lawas so naaral mo. Say aral mo sikatoy bilay mo—simpitan mon maung.

Maung a Balita Biblia

¹³ Nunot mo lawas so naaral mo. Say aral mo sikatoy bilay mosimpitan mon maung.

Probirbio 4:13 Referans Kwoze

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Deuteronomio 32:47

Aliwan apa ira yan salita; sikaray dilin bilay yo. Onur yo ra et mambilay kayo na andokey ed samay dalin ed nibaliw na Jordan a ngalngali yo la panayaman.”

1 TESALONICA 5:21

Subok yoy amin a bengatla tan pili yo ray maung.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Juan 6:68

Inmebat si Simon Pedro, “Katawan, siopay laen mi ni? Walad sika ray salitan mangiiter na bilay ya andi-anggaan.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Kanta nen Solomon 3:4

Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.

Ecclesiastes 7:12

Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapan—sikato yay kamaungan na pakatalus.

Probirbio 3:22

Itdan da ka na bilay—bilay a makaroyroyo tan maliket.

Genesis 32:26

Inkuanto may too, “Paonlam ak la, ta asingger lay kabwasan.” “Andi, no ag mo ak ni bindisionan,” ebat nen Jacob.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Probirbio 10:17

Mambilay iray totoon ondengel no pepeteken ira, balet walad kaatapan iray totoon ag da birbiren so kalilingo ra.