Probirbio 31:30 - Maung A Balita Biblia

³⁰ Makapalikdo so limgas tan mangangga so ganggana, balet nepeg ya idayew so biin papagalangan toy Katawan.

Maung a Balita Biblia

³⁰ Makapalikdo so limgas tan mangangga so ganggana, balet nepeg ya idayew so biin papagalangan toy Katawan.

Probirbio 31:30 Referans Kwoze

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 11:22

Say biin maganggana ya aliwan maptek so panagnunot to, aliling toy balituk a singsing a walad songut na baboy.

1 Pedro 1:24

Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Probirbio 6:25

Ag ka patutuksod ganggana ra; ag ka pasasagyat ed panagkindat da.

2 Samuel 14:25

Diad intiron Israel anggapoy anggan sakey a toon mipara ed inkabantug nen Absalom lapud inkaguapo to; anggapoy deral to manlapud toktok na olo to ya anggad dapan to.

Santiago 1:11

Ta ompaway so agew tan diad ontan lan petang to, pamagaen toy dika, nalaylay met lad satan iray rosas to, tan naderal lay kinarakep to. Ontan met, say mayaman ompatey legan ton gagawaen iray kimey to.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Saray Taga Roma 2:29

Ingen, say petepeteg a Judio ag nabirbir ed indengan to, ta say inkatandaan toy segat et diad puso to. Say Ispiritu na Dios so manggagawad saya, aliwan say Ganggan ya akasulat. Say Dios so mangidayew ed sayan too, aliwan say kapara ton too.

Ezekiel 16:15

“Balet impoonan moy dilin gangganam tan inkabantug mo diad impipiakdul mod balang sakey ya ondalan.

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Probirbio 11:16

Napapagalangan so biin masimpit, balet mangiiter na kabaingan so biin maoges. Ag nawalaay kuarta so toon mangiras, balet onyaman so toon makoli.

Probirbio 22:4

Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Probirbio 31:29

Kuan na asawa to, “Amayamay iray bibiin maung ya asawa, balet sikay sankamaungan ed sikara.”

Probirbio 31:31

Birbir mo lapud saray gagawaen to. Kanepegan toy pagalangan na amin a totoo.