Probirbio 3:24 - Maung A Balita Biblia

²⁴ Ag ka ontakot no onla ka lad dokulan mo, tan masamsamit so ogip mon sanlabi.

Maung a Balita Biblia

²⁴ Ag ka ontakot no onla ka lad dokulan mo, tan masamsamit so ogip mon sanlabi.

Probirbio 3:24 Referans Kwoze

Saray Salmo 3:5

Ondorokul ak tan naoogip ak, et maung so ibabangon ko, ta say Katawan iyaagel to ak.

Saray Salmo 4:8

No ondokul ak, mareen so pakaogip ko, ta sika labat, Katawan, so mangyaarawid siak ed kaatapan.

Probirbio 6:22

Say bangat da iwanwan da kad pankurang mo, iyagel da ka no labi, tan simbawaan da ka no agew.

Jeremias 31:26

Diad onta, ikuan na saray totoo, ‘Naogip ak, tan binmangon ak ya apasimbaloy liknaan.’

Say Libro nen Job 11:19

Ag mo la takotan iray kalaban mo; dakel iray totoon onkerew na tulong ed sika.

Levitico 26:6

“Itdan ta kayo na kareenan ed dalin yo, kanyan makaogip kayo ya anggapoy manigensigen ed sikayo. Paandipaten kod man iray masebeg ya ayayep ed takel, tan naandi lad may bakal.

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Ezekiel 34:15

Siak a dili so mampastol ed saray karnirok, tan iyanapan ko ray pasen a pampainawaan da. Siak a Katawan a Dios so nansalita.

Saray Gawgawa 12:6

Sakey a labi, nanaogip si Pedro ed pegley na duaran guardia. Binalur day duaran golunggolung, tan wala ni ray guardian mambabantay ed puirtay prisowan. Diad ontombuk a kabwasan, sikato lay pangiparontal nen Herodes ed kinen Pedro ed saray ombaley.

Saray Salmo 112:8

Mabiskeg so linawa to tan ag natatakot; ag to panduaruwan a nanengneng ton natalo iray kalaban to.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Ecclesiastes 5:12

Malet so ogip na toon kumikimey, daiset may dakel so kinan to. Balet say toon mayaman dakel so kayaryan to, kanyan ag makaogip lapud kapagaan to.

2 Saray Awaran 20:30

Walay kareenan sirin nen nanoley si Josafat tan inyarawi na Dios ed kaatapan diad amin a pasen.

Saray Salmo 3:6

Ag ko antakot iray libo-libon kalaban ko a manlalakob ed siak.

Saray Salmo 91:5

Ag mo nepeg so ontakot ed saray kaatapan no labi, odino diad biglan idogpa na saray kalaban no agew,

Probirbio 19:23

Pagalangan moy Katawan, et nawalaan kay andokey a bilay, apenek, tan arawid kaatapan.

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Ezekiel 34:25

Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.