Probirbio 29:8 - Maung A Balita Biblia

⁸ Saray totoon abebbebay panangipasen dad arum a totoo et nayarian dan gewgewen so intiron siudad. Saray totoon makabat papareenen day baley.

Maung a Balita Biblia

⁸ Saray totoon abebbebay panangipasen dad arum a totoo et nayarian dan gewgewen so intiron siudad. Saray totoon makabat papareenen day baley.

Probirbio 29:8 Referans Kwoze

Probirbio 11:11

Magmaliw a matalonggaring so siudad no saray totoon matonung et bibindisionan da; balet naderal so siudad lapud panaglabir da ray totoon maoges.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

Saray Bilang 25:11

“Lapud samay ginawa nen Finees, ag ak la mamapasnuk ed saray totood Israel. Ag to inyabuloy so pangigalang ed dinan man a dios likud ed siak, kanyan ag ko ra dineral ya amin ed pasnuk ko.

Saray Bilang 16:48

Lapud saya apatonda may salot, tan manalalagey si Aaron ed nanleetan da ray mabilay tan saray inaatey.

Probirbio 29:9

No irimanda na toon makabat so toon makulang-kulang, makapasnuk labat imay makulang-kulang, manelek-elek tan manggaway golo.

Probirbio 15:1

Say mapalnan ebat pakekepaen toy pasnuk, balet say ansakit ya ebat palolooren to.