Probirbio 29:4 - Maung A Balita Biblia

⁴ Mabiskeg so bansa no say inkatonung so ipakurang na ari, balet no say kuarta labat so kawalaay pilalek to, deralen toy bansa to.

Maung a Balita Biblia

⁴ Mabiskeg so bansa no say inkatonung so ipakurang na ari, balet no say kuarta labat so kawalaay pilalek to, deralen toy bansa to.

Probirbio 29:4 Referans Kwoze

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Daniel 11:20

“Insan onsalat ed sikato so sakey ya ari a mangibaki na sakey ya opisyal a mamairap ed saray totoo diad pansingil toy atatagey a buis, pian ondakel so kayamanan na nanarian. Ag mabayag napatey iman ya ari balet aliwan diad arap na karaklan odino diad bakal.”

Probirbio 20:8

Say ari onyoyorung ed panagsintinsiaan to tan amta toy kaogsan no nanengneng to.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Probirbio 16:12

Ag nepeg ya abuloyan na saray arari so panggawa na kaogsan, ta say inkatonung so mamapabiskeg ed pakaoley.

Probirbio 8:15

Tutulongan kon manoley iray arari, tan manggawa na saray ganggan iray walad pakaoley.

Saray Salmo 99:4

Makapanyarin ari, inarom so inkatonung; inletneg moy inkatonung ed Israel; inawit moy kaptekan tan kaalasan.

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

2 Saray Awaran 9:8

Nadayew komun so Katawan a Dios mo! Diad impakaliket tod sika ginawa to kan ari a manoley ed ngaran to. Lapud panangaro tod saray totoo ton Israelita tan lapud labay to ran pansiansiaen ya anggad angga, impagmaliw to kan ari ra pian napansian-siam so kaptekan tan katonungan.”

1 Saray Arari 2:12

Si Solomon sinalatan ton ari si ama ton David, tan binmiskeg so inkiletneg na nanarian to.

2 Samuel 8:15

Nanoley si David ed intiron Israel; maptek tan anggapoy nilabi so impanoley tod saray totoo.

1 Samuel 13:13

“Kalokowan so ginawam,” ebat nen Samuel. “Ag mo inonur so ingganggan ed sika na Katawan a Dios mo. No inonur mo komun, abuloyan to ka tan saray kabyangay boleg mo a manoley ya anggad angga ed Israel.

Say Libro nen Job 11:6

Ibaga tod sikad satan ya amayamay so ag amta nipaakar ed kakabatan; wala ray bengatlan ag natalusan na too. Daisit nen say kanepegan mo so panudusa na Dios ed sika.

Probirbio 14:34

Say inkatonung pagmamaliwen ton matalonggaring so sakey a bansa; say kasalanan ipepelag tod kababaingan so anggan dinan a bansa.

Probirbio 16:10

Mansasalitan walay pakayari na Dios ed sikato so ari; maptek lawas iray iiter ton sintinsia.