Probirbio 29:24 - Maung A Balita Biblia

²⁴ Say manonan kalaban na kaibay matakew et say sikaton dili. Nadusa no ibaga tod korti so katwaan, balet isamba na Dios no ag to ibagay katwaan.

Maung a Balita Biblia

²⁴ Say manonan kalaban na kaibay matakew et say sikaton dili. Nadusa no ibaga tod korti so katwaan, balet isamba na Dios no ag to ibagay katwaan.

Probirbio 29:24 Referans Kwoze

Levitico 5:1

Say bagat a para kasalanan et nakaukolan ed saray onggendan a kaso. No say sakey a too et tinawag na korti a mantasi et ag to ibaga so nipaakar ed anengneng odino nadngel to, nepeg a nadusa.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Probirbio 15:32

No ag mo labay so manaral, sisibletan moy sikan dili. No awaten moy maung a simbawa naaromay kakabatan to.

Marcos 11:17

Insan imbangat tod saray totoo, “Nabasad Masanton Sulat a say Dios inkuanto, ‘Say abung ko natawag ya abung a panagpikasiyan na amin a katoowan.’ Balet ginawa yon ayaman da ray matatakew!”

Probirbio 6:32

Balet anggapoy kalakal so lakin mikakaloguran. Dederalen to labat so sikaton dili.

Saray Huis 17:2

Inkuantod ina to, “Nen walay anakew na sanlibo tan sanlasus a kuartan pilak yo, insamba yo may anakew. Nadngel kon ginawa yo man a samba. Walad siak iman so kuarta. Siak so angala.” Inkuanen ina to, “Bindisionan ka komun na Katawan, anak ko!”

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

1 Samuel 20:2

Inmebat si Jonatan, “Ag iyabuloy na Dios ya ompatey ka! Ibabaga na amak so amin a gagawaen da, makabaliksan man o andi, tan akin et iyamut da yad siak? Anggapoy katwaan to!”