Probirbio 29:18 - Maung A Balita Biblia

¹⁸ Say bansan anggapoy panangiwanwan na Dios et sakey a bansan anggapoy oksuy. Maliket so toon mangoonur na ganggay Dios!

Maung a Balita Biblia

¹⁸ Say bansan anggapoy panangiwanwan na Dios et sakey a bansan anggapoy oksuy. Maliket so toon mangoonur na ganggay Dios!

Probirbio 29:18 Referans Kwoze

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Juan 13:17

Natan ta amta yo la ra ya, maliket kayo na gawaen yo ra.

Probirbio 19:16

Toluk mo ray ganggan na Dios et mambilay kay andokey; no paolyan mo ra, ompatey ka.

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.

Mateo 9:36

Nen anengneng to ray dakerakel a totoo, akasian to ra lapud mapagpaga tan pakaskasi ra, a singa ra karniron anggapoy pastol.

Exodo 32:25

Si Moises anengneng ton si Aaron et pinaolyan ton ag la nabano iray totoo tan ginawa ray sikaran dili a makulangkulang ed arap na saray kalaban da.

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

2 Saray Awaran 28:19

Inter na Katawan ira yan segsegang ed Juda lapud pinaolyan nen Ari Acaz so pankaabigan na saray totoo to, tan sinumlang toy linawa na Katawan.

Saray Salmo 106:3

Maliket iray ontotoluk ed ganggan to, saray manggagawa lawas na inkatonung.

Probirbio 8:32

“Dengel yo ak natan, sikayon tobun-balo. Manliket kayo no onuren yoy ibabagak.

Probirbio 29:19

Ag napetek so aripen diad panamegley na salita labat. Nayarin natatalusan to ka, balet ag to ka dengelen.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.