Probirbio 29:1 - Maung A Balita Biblia

¹ No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Maung a Balita Biblia

¹ No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Probirbio 29:1 Referans Kwoze

Probirbio 6:15

Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan?” Balet ag ira dinmengel ed ama ra, ta ginetma la na Katawan a pateyen to ra.

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Juan 13:26

Inmebat si Jesus, “No siopay pangitdan koy tinapay ya isawsaw ko, sikato.” Angalay tinapay sirin, insawsaw to, insan to inter ed kinen Judas ya anak nen Simon Iscariote.

Saray Gawgawa 1:25

a magmaliw ya apostol ya onsalat ed kinen Judas a linma lad pasen a kanepegan to.”

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Saray Gawgawa 1:18

(Insaliw nen Judas na dalin imay bayar na impantraidor tod kinen Jesus. Diman met lay inateyan to, ta apaktak, awabwab so eges to, tan pinmaway so pait to.

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

2 Saray Awaran 33:10

Anggaman a pinasakbayan na Katawan si Manases tan saray totoo to, siansian ag da dinengel.

1 Saray Arari 22:28

“No ompawil kan anggapoy maoges ya agawa,” kuanen Micaya, “ag nansalitad panamegley ko so Katawan!” Insan to inyarum ya inkuan, “Tandaan yon amin a totoo—imay imbagak!”

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Samuel 2:34

No saray duaran lalakin anak mo a di Ofni tan Finees et ompatey irad saksakey ya agew, mangipanengneng yad sika ya ontua ray amin ya imbagak.

Jeremias 17:23

Ag dinmengel odino angasikaso ed siak iray lalaki ra. Ingen nagmaliw iran anawet a puso; ag ira ononur ed siak odino manaral ed siak.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

1 Saray Arari 20:42

Insan inkuan na samay propita ed ari, “Ibabagay Katawan; ‘Lapud inabuloyan mon makabatik so ingganggan ko a pateyen mon too, patey so ibayar mo, tan napatey iray totoom lapud impamabatik mod saray totoo to.’”

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Probirbio 28:28

Kiamut-amut iray totoo no walad pakayari iray maoges a totoo. Balet no naandi la rad pakayari, saray matonung a totoo lamet so manoley.

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Habacuc 2:7

Biglan onsabiy panaon a sikayon anakep ed saray arum a totoo et magmaliw a sikayoy akautang tan napasoot kayon mambayar na abang. Onsabi ray kalaban tan pagiwgiwen da kayo. Samsaman da kayo!

Exodo 9:7

Impatepet na ari no anto so agawa tan nibagad sikato ya anggapoy inatey ya ayep na saray Israelita. Balet anawet nin siansiay puso to tan ag to inabuloyan ya onla la ray Israelita.

Probirbio 28:14

Toluk mo lawas so Katawan, et magmaliw kan maliket. No anawet so olom naderal ka.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Jeremias 14:19

Katawan, sigput so impangipolisay mod saray totood Juda? Kabosul mo ray totood Sion? Akin et mapalaloy impanugat mod sikami, kanyan ag kami la naabigan? Nampilalekan min nagamuray kareenan, balet anggapoy maabig a sinmabi; inilaloan min onabig kami, balet makapasinagem lalaingey sinmabi.