Probirbio 28:27 - Maung A Balita Biblia

²⁷ Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

Maung a Balita Biblia

²⁷ Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

Probirbio 28:27 Referans Kwoze

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 11:24

Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Deuteronomio 15:7

“No diad anggan anton baley ed dalin ya iter ed sikayo na Katawan a Dios yo et walay sakey a kapara yon Israelita a walad pankaukolan, ag yo sisibletan tan ikikibot so tulong yod sikato.

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Probirbio 11:26

Isasamba na katoowan so toon mangisisinup na ilik to, lapud panaalagar toy itagey na bili to, balet idadayew da so toon mangilalako lay ilik to.

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Probirbio 24:24

No sintinsiaan na huis ya anggapoy kasalanan so toon nankasalanan, sikatoy isamba tan bosulen na saray katoowan.

Probirbio 28:28

Kiamut-amut iray totoo no walad pakayari iray maoges a totoo. Balet no naandi la rad pakayari, saray matonung a totoo lamet so manoley.

Probirbio 11:25

Onaligwas so toon mabonluk a mangiter. Say toon matulong makaawat na tulong.