Probirbio 28:19 - Maung A Balita Biblia

¹⁹ Say makolin dumaralus walay daakan a kakanen to. Mairap lawas so bilay na saray totoon managdarak na panaon.

Maung a Balita Biblia

¹⁹ Say makolin dumaralus walay daakan a kakanen to. Mairap lawas so bilay na saray totoon managdarak na panaon.

Probirbio 28:19 Referans Kwoze

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Saray Huis 9:4

Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.

Probirbio 14:4

No anggapoy bakan napandalus mo ag nakargaay kamalir mo; balet no wala napano na ilik.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 20:13

No manogip ka lan manogip magmaliw kan mairap-bilay; mankoli ka et dakerakel so naakan mo.

Probirbio 24:34

balet legan mon naogip, onsabid sikay kairapan na bilay a singa matakew ya akaarmas.