Probirbio 28:16 - Maung A Balita Biblia

¹⁶ Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Maung a Balita Biblia

¹⁶ Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Probirbio 28:16 Referans Kwoze

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

1 Saray Arari 12:14

Sinalita to may impaikuan na saray mamalangwer a sumisimbawa: “Ambelat so impasakbat ed sikayo nen amak; ambelat niy ipasakbat kod sikayo. Nilatiko kayo nen amak; pekpeken ta kayoy balatyang!”

1 Saray Arari 12:10

Inmebat ira, “Onyay ikuan mod saraman a totoo: ‘Mabiskeg niy kiking ko nen say ulpo nen amak.

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Ecclesiastes 10:16

Pangaskasiyay kipapasen na sakey a bansa no say manoley to et sakey a tobun-balo tan mampista lawas iray pangulo to.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.