Probirbio 27:18 - Maung A Balita Biblia

¹⁸ Komponim so kiew na igos, et makapangan kay bungay igos. Napagalangan so aripen a pagaan toy amo to.

Maung a Balita Biblia

¹⁸ Komponim so kiew na igos, et makapangan kay bungay igos. Napagalangan so aripen a pagaan toy amo to.

Probirbio 27:18 Referans Kwoze

2 Timoteo 2:6

Say dumaralus a nansagput so walay kanepegan a mangalay onaan ya apag ed ani.

1 CORINTO 9:7

Siopa ta a sondalo so igastosan toy sikaton dili diad panlingkur to? Siopa ta a dumaralus so ag to pambilay so intanem to? Siopa ta a managkomponiy karniro so ag to ikanay gatas na karniro to?

Kanta nen Solomon 8:12

Solomon, kayaryan mo la tay sanlibon pilak a kuarta, tan saray dumaralus kayaryan da lay duanlasus a pilak a kuarta. Wala met so kayaryan kon dili a kaubasan.

1 CORINTO 3:8

Anggapoy pandomaan na toon mantanem tan toon mansalug. Tumangan iray Dios onung ed saray kimey ya agawaan da.

Lucas 12:37

Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Lucas 19:17

Inkuanto may amo, ‘Maabig so ginawam, maung a katulong! Lapud napampiaan kad melag iran bengatla, panoleyen ta kad samploran baley.’

Mateo 24:46

Maliket yan aripen no nasabian na amo ton gagawaen toy kimey to!

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

1 Pedro 2:21

Say pantepel na kairapan et kabyangay impamili na Dios ed sikayo; ta nanirap met si Cristo lapud sikayo tan angitilak na oliran ya aligen yo.

1 Pedro 2:18

Sikayo ran aripen, paoleyan kayod saray amo yo tan pagalangan yo ra, aliwa labat a saray mapangasi tan maoyamo no ag pati saray maruksa.

COLOSAS 3:22

Sikayo ran aripen, diad amin a bengatla toluk kayod saray amo yo diad tapew na dalin. Walay makanenengneng man o anggapo mankimey kayo, aliwan lapud pamaliket yod totoo, no ag ingen lapud matoor kayo tan walay panamagalang yod Katawan.

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?

Saray Gawgawa 10:7

Kasiput to may anghil, tinawag nen Cornelio so duaran igaganggan to tan sakey a sondalon matoor ed Dios, sakey ed saray managlingkur ed sikato.

Marcos 10:43

Aliwan onya balet so nepeg a nagawad sikayo. Siopaman ed sikayo so labay toy mangipangulo, nepeg toy manlingkur ed sikayon amin.

Mateo 24:25

Tandaan yo! Imbagak la yad sikayo kasakbayan a nagawa.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Saray Salmo 123:2

No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

2 Saray Arari 5:25

Linmoob ed abung tan tinepet nen Eliseo ed sikato, “Nanlapwan mo?” “Ag ak pa inmalis,” ebat to.

2 Saray Arari 3:11

Tinepet nen Ari Josafat, “Wala diay propita a diad panamegley to et makapangipanon tayod Katawan?” Inmebat so sakey ya opisyal na saray sondalo nen Joram, “Wadyay Eliseo a lakin anak nen Safat. Katulongan nen Elias nen saman.”

Lucas 12:42

Inmebat so Katawan, “Siopa sirin so napanmatalkan tan marunong ya aripen? Say aripen ya ipasen na amo to a mangasikasoy abung to, tan mangiter na kanen da ray kapara ton aripen diad manepeg ya oras.

2 Saray Arari 18:31

Ag yo dedengeley Ezekias. Igaganggan na impirador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo—

Probirbio 27:17

Saray totoo makakaaral irad kapara ran totoo, a singa say balatyang et patataremen toy kapara ton balatyang.

Probirbio 27:19

Say dilin anino na lupam so nanenengneng mod danum tan say dilin inkasika so nanengneng mod pusom.

Isaias 36:16

Ag yo dedengeley Ezekias. Igaganggan na impirador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo—

Ester 6:11

Inala sirin nen Haman imay kawes tan samay kabayo. Insolung tod kinen Mardokeo imay kawes. Kinmabayo si Mardokeo, tan tinengteng nen Haman imay kabayo. Inliber to ed plasa na siudad, tan imbabando to legan dan onliliber, “Nengneng yo so tumang na toon labay a pagalangan na ari!”