Probirbio 26:27 - Maung A Balita Biblia

²⁷ Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

Maung a Balita Biblia

²⁷ Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

Probirbio 26:27 Referans Kwoze

Probirbio 28:10

No palikdoen mon manggaway kaogsan so toon maptek, napelag kad dilin patit mo. Say toon anggapod sikatoy pakabalawan natumangan na amayamay a kaabigan.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Saray Salmo 10:2

Mapaatagey iray totoon maoges tan papairapen da ray mairap-bilay; erel mo pa rad saray patit ya imparaan da.

Ecclesiastes 10:8

No manggawa kay patit ya abut, diman ka nikolabut; ketketen ka na oleg ya onsorub ed binongaw mon padir.

Saray Salmo 57:6

Saray kalaban ko pinatitan da ak na iket, a pangerel dad siak; mapalaloy kapapagaan ko. Angotkot iray abut ed dalanen ko, balet sikaran diliy naplag.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.