Probirbio 26:25 - Maung A Balita Biblia

²⁵ Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Maung a Balita Biblia

²⁵ Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Probirbio 26:25 Referans Kwoze

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Saray Salmo 28:3

Ag mo ak pa pidudusad saray totoon maoges, totoon managgaway kaogsan— saray totoon maung so pitotongtong dad kapara ran too, balet walay bosul ed kapusoan da.

Mateo 24:23

“Kanyan ag kayo manigsisia no walay mangikuan ed sikayo, ‘Wadyay Cristo!’ odino ‘Wadmay Cristo!’

Saray Salmo 12:2

Mantitilaan la ray totoo; manlolokowan tan mampapalikdowan ira.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

Probirbio 26:23

Say maamuyot a pananalita a panakub na petepeteg mon nununoten et singa panagpasileng ya iyokup ed dalin a kagawaan.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

Nehemias 6:2

Impaibaga di Sanbalat tan Gesem a banaen ko rad sakey a bario diad Patar na Ono, ta labay da ak a pitongtongan. Balet say gagala dad saya et say pangabil dad siak.