Probirbio 25:6 - Maung A Balita Biblia

⁶ No miarap ka ed ari ag mo ipapasen so sikan dili a sake-sakey kan matalonggaring.

Maung a Balita Biblia

⁶ No miarap ka ed ari ag mo ipapasen so sikan dili a sake-sakey kan matalonggaring.

Probirbio 25:6 Referans Kwoze

Probirbio 27:2

Paidayew kad arum a totoo—anggan saray sangkaili; ag mon balut idadayew so sikan dili.

Probirbio 25:27

Makapoy ed laman so alabas a pangan na dilo, ontan met a makapoy so pananap na alablabas a dayew.

Probirbio 16:19

Magmaung niy toon mapaabeba tan mairap-bilay nen say sakey ed saray mapaatagey tan miaapag ed saray asamsam da.

Exodo 3:11

Balet si Moises inkuantod Dios, “Siopa ak ya onarap ed ari tan mangipaway ed Egipto na saray Israelita?”

Saray Salmo 131:1

Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

1 Samuel 15:17

Inmebat si Samuel, “Anggaman ya ipapasen moy sikan dili ya abeba, sikay pangulo da ray tribu ed Israel. Say Katawan nilanaan to kan manari ed Israel,

Lucas 14:8

“No inimbitaan da kad bansal, ag ka onyoyorung ed manonan pasen, ta nayarin wala niy naimbitaan a matalonggaring nen say sika.

Lucas 14:10

Say maung, no naimbitaan ka yorung kad sankaabebaan a pasen, pian asinggeran kay angimbitad sika tan ikuanto, ‘Kaaro, yorung kad magmaung a pasen.’ Diad ontan, niiter ed sikay kagalangan ed arap na amin a karongom.

Probirbio 25:5

Ekal mod ari iray maoges a sumisimbawa, et naamtaan so oley lapud inkatonung.

Probirbio 25:7

Magmaung nin nakerew ed sika ya onatagey kad kipapasen mo nen say nibagad sika ya iter moy kipapasen mo ed sakey a toon matalona nen sika.