Probirbio 25:5 - Maung A Balita Biblia

⁵ Ekal mod ari iray maoges a sumisimbawa, et naamtaan so oley lapud inkatonung.

Maung a Balita Biblia

⁵ Ekal mod ari iray maoges a sumisimbawa, et naamtaan so oley lapud inkatonung.

Probirbio 25:5 Referans Kwoze

Probirbio 20:8

Say ari onyoyorung ed panagsintinsiaan to tan amta toy kaogsan no nanengneng to.

Probirbio 16:12

Ag nepeg ya abuloyan na saray arari so panggawa na kaogsan, ta say inkatonung so mamapabiskeg ed pakaoley.

Probirbio 20:28

Mansiansian walad pakaoley so ari legan a say oley to et maptek, matonung, tan malinis.

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

1 Saray Arari 2:46

Insan ingganggan na ari si Benaya; linmay Benaya tan pinatey toy Simei. Kanyan maligen la natan so panaari nen Solomon.

1 Saray Arari 2:33

Andi-anggaan so pakadusa nen Joab tan saray kabyangay boleg to, lapud sarayan impamatey tod saray totoon anggapoy kasalanan. Balet paaligwasen lawas na Katawan so siopaman ed saray kabyangay boleg nen David ya onyorung ed trono to.”

1 Saray Arari 2:45

Balet bindisionan to ak tan paletan toy inkiletneg na nanarian nen David ed ando lan ando.”

Probirbio 25:6

No miarap ka ed ari ag mo ipapasen so sikan dili a sake-sakey kan matalonggaring.