Probirbio 25:18 - Maung A Balita Biblia

¹⁸ Say pantasi na tila sumpad kaparan too, et aliling toy ispada, pekpek, odino matdem a pana.

Maung a Balita Biblia

¹⁸ Say pantasi na tila sumpad kaparan too, et aliling toy ispada, pekpek, odino matdem a pana.

Probirbio 25:18 Referans Kwoze

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

Jeremias 9:8

Singa makapatey a pana iray dila ra; tila lawas so sasalitaen da. Maumaung so panagsalita na balang sakey ed kapara ton too, balet diad tuay tua sisiliban to.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”

Probirbio 24:28

Ag ka mantatasi na sumpad kaparam a too likud no walay makasengeg, odino mangibabaga na saray bengatlan makapalikdon nipaakar ed sikato.

Saray Salmo 140:3

Singa makapatey ya oleg so kadilaan da; singa ditay kobra iray salita ra.

Saray Salmo 52:2

Mamplaplano kay paneral mod saray arum; singa matdem a labahas so dilam. Naynay kan mantitila.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Exodo 20:16

“Ag ka mantitila no mantasi ka sumpad kaparam a too.

Probirbio 25:17

Ag ka mabetbet ya ondadalaw ed kaabay mo, ta ompan onsawad sika, et bosulen to ka.