Probirbio 23:7 - Maung A Balita Biblia

⁷ “Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

Maung a Balita Biblia

⁷ Sigi, mangan ka labat, kuanto, anta kukuanto labat. Say petepeteg ya inkatoo to et say walad kanunotan to.

Probirbio 23:7 Referans Kwoze

Saray Salmo 12:2

Mantitilaan la ray totoo; manlolokowan tan mampapalikdowan ira.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Saray Huis 16:15

Kanyan inkuanen Delila ed sikato, “Panoy pangibabagam ya inaro mo ak, anta andi manaya. Amitlo mo ak lan niluko, tan ag mo nin siansia imbagad siak no akin et mabisbiskeg ka.”

Probirbio 19:22

Kapepelag ed kababaingan so inkaagom; magmaung ni ray totoon mairap-bilay nen saray totoon matila.

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Probirbio 26:24

Say toon mansimpisimpitan isasanib tod saray makapalikdon salita to so pambosul to.

Probirbio 26:25

Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Probirbio 26:23

Say maamuyot a pananalita a panakub na petepeteg mon nununoten et singa panagpasileng ya iyokup ed dalin a kagawaan.