Probirbio 23:34 - Maung A Balita Biblia

³⁴ Naliknam a singa ka walad pegley na dayat tan ipapaligpalig na ankakabaleg a daluyon so kawalaan mon bapor.

Maung a Balita Biblia

³⁴ Naliknam a singa ka walad pegley na dayat tan ipapaligpalig na ankakabaleg a daluyon so kawalaan mon bapor.

Probirbio 23:34 Referans Kwoze

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Mateo 24:38

Kasakbayan na delap, nanaakan tan naniinom iray totoo, angaasawa tan akikiasawa ra. Onyay ginagawa ra anggad inloob nen Noe ed biong.

Joel 1:5

Bangon tan mannangis kayo, sikayon buanges; akis kayo, sikayon mainom na alak; aderal-deral la ray ubas a panggawaay balon alak.

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

2 Samuel 13:28

tan binilin to ray aripen to: “Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!”

Exodo 15:8

Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Probirbio 23:33

Makanengneng kad satan na nidoma-doma ran bengatla, tan ag ka makapannunot o makapansalita na malinew.

Probirbio 23:35

Ikuanmo, “Nakna ak, balet ag ak asakitan. Pinekpek da ak, balet ag ko alikna. Akin et ag ak naliing? Labay ko niy oninom.”

Probirbio 31:4

Dengel ka, Lemuel. Ag nepeg ya oninom na alak iray arari, odino pampilalekan dan inomen iray mabayanin iinomen.