Probirbio 22:9 - Maung A Balita Biblia

⁹ Nabindisionan ka no mabonluk so panangiter mo tan inagnag mod saray mairap-bilay so kakanen mo.

Maung a Balita Biblia

⁹ Nabindisionan ka no mabonluk so panangiter mo tan inagnag mod saray mairap-bilay so kakanen mo.

Probirbio 22:9 Referans Kwoze

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

Lucas 14:13

Ingen, no mamponsia ka, imbitaan mo ray mairap-bilay, saray lopuy, saray piley, tan saray bulag.

Isaias 32:8

Balet say toon walay kagalangan matonung iray gawa to tan malet a tatalindegan toy kaptekan.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Probirbio 11:25

Onaligwas so toon mabonluk a mangiter. Say toon matulong makaawat na tulong.

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Mateo 20:15

Akin, anggapo tay kanepegan kon manggawad labay kon gawaen ed kayaryan kon dili? O mairap kasi so linawam lapud kamaungan ko?’”

Deuteronomio 28:56

Onya met so gawaen na sakey a biin sankasimpitan tan galgalangen a pamilyay sengeg to, tan diad mapalalon inkayaman to et ag to asaliy nanakar ed inyoonla tod iner man a pasen. No looban na saray kalaban so baley to, mapalaloy kaandian toy nakan, kanyan maamut ton kanen so kapangyanak ya anak to tan say pinmaway a baley to. Ag to anggan itdan so inaro ton asawa odino siopaman ed saray anak to.

Probirbio 31:20

Mabonluk a mangiiter ed saray mairap-bilay tan saray walad pankaukolan.

Probirbio 11:17

Say toon mapangasi iitdan toy kaabigan so sikaton dili, balet say toon maruksa papasakitan toy sikaton dili.

Probirbio 11:27

No kamaungan iray getmam, sikay napagalangan, balet no goloy anapen mo, sikatoy narumog mo.

Probirbio 14:21

No labay moy maliket, kasian mo ray mairap-bilay; kasalanan so pambalaw ed siopaman.

Probirbio 28:24

Siopamay mannununot ya aliwan kasalanan so pantakew ed saray ateng et anggapoy pidomaan tod saray peteg a matakew a totoo.

Probirbio 28:27

Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.