Probirbio 21:8 - Maung A Balita Biblia

⁸ Pikewet so kabibilay na toon managkasalanan, balet maptek so kabibilay na toon matonung.

Maung a Balita Biblia

⁸ Pikewet so kabibilay na toon managkasalanan, balet maptek so kabibilay na toon matonung.

Probirbio 21:8 Referans Kwoze

Probirbio 2:15

saray totoon pikewet so panagbilay da tan ag ira napanmatalkan.

1 Juan 3:3

Balang sakey a wala yan ilalo tod Cristo linisan toy panagbilay to, a singa si Cristo et malinis.

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

Saray Gawgawa 15:9

Namparay pangipapasen na Dios ed sikara tan sikatayo. Nilinisan to ray puso ra lapud anisia ra.

Mateo 12:33

Maung so bungay kiew no maung so sengeg to; makapoy so bungay kiew no makapoy so sengeg to. Diad bunga so pakabirbiran no maung o makapoy so sakey a kiew.

Mateo 5:8

“Maliket iray malinis so puso ra, ta napinengnengan day Dios!

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Ecclesiastes 7:29

Saya labat so naaralan ko: Pinalsa na Dios a maptek so too, balet say too amayamay so sinmeseksek a kaogsan ed olo to.

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Probirbio 21:9

Magmaung niy manayam ed atep na abung nen say miamung ed biin makolkol.

Isaias 26:7

Katawan, pararakepen moy dalan da ray totoon matonung; palanas so dadalanen da.

Isaias 59:8

tan maatap so bilay na amin a too no siber-siber kayo. Andid katonungan iray amin a gagawaen yo. Pikewet a dalan so totombuken yo, tan maatap so bilay na amin a manakar ed satan a dalan.