Probirbio 21:2 - Maung A Balita Biblia

² Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Maung a Balita Biblia

² Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Probirbio 21:2 Referans Kwoze

Probirbio 16:2

Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

Probirbio 16:25

Say dalan ya abaloan mon duga et nayarin mamaarap ed patey.

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

Probirbio 24:12

Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Santiago 1:22

Toluk kayod salitay Dios. No dengelen yo labat ya ag yo onuren, titilaan yoy sikayon dili.

Saray Salmo 36:2

Lapud atagey a tuloy so pangipapasen tod sikaton dili, abaloan ton say kasalanan to et ag la naamtaay Dios tan ag to la pakadusaan.

TAGA GALACIA 6:3

No walay mangipasen na sikaton dili a sakesakey anta andi, titilaan toy sikaton dili.

Probirbio 20:6

Sasalitaen na balang sakey no panoy inkatoor to, balet salim ya anapen no siopay tuan matoor!

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Probirbio 12:15

Saray totoon makulang-kulang abaloan dan maptek lawas so gagawaen da. Saray makabat a totoo onderengel irad simbawa.

Say Libro nen Job 31:6

Simbangen ak komun na Dios ed anggapoy saol a simbangan, pian nanengneng ton anggapoy kasalanan ko.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Daniel 5:27

say Tekel et belat, ta asimbang so belat mo, nalmoan a kulang so belat mo;