Probirbio 21:15 - Maung A Balita Biblia

¹⁵ No say inkatonung so nagagawa, maliket iray totoon matonung, balet maermen iray totoon maoges.

Maung a Balita Biblia

¹⁵ No say inkatonung so nagagawa, maliket iray totoon matonung, balet maermen iray totoon maoges.

Probirbio 21:15 Referans Kwoze

Probirbio 10:29

Iyaagel na Katawan iray totoon maptek so panagbilay da, balet dederalen to ray totoon kaogsan so gagawaen da.

Mateo 7:23

Balet ikuankod sikara, ‘Ag ta kayon balut kabat. Arawi kayod siak, sikayon managgaway kaosgan!’”

Isaias 64:5

Maliket kan mangaawat ed saray maseet a manggagaway inkatonung, saray makanununot a mangonur na linawam. Nampasnuk kad sikami, balet intuloy miy nankasalanan; anggaman a mapalaloy pasnuk mo, intuloy miy nanggaway kaogsan nanlapud saman a panaon.

Ecclesiastes 3:12

Kanyan abirbir ko ya anggapo lay magmaung nin nagawaay too, no ag say panliket tan panggaway maabig legan ton mambilay.

Probirbio 21:12

Say Dios a sikatoy matonung, amta to so nagagawa ed abung da ray totoon maoges, ipelag to rad kaderalan da.

Probirbio 5:20

Anak ko, akin et iter moy panangarom ed arum a bii? Akin et labay mo niy ganggana na asaway arum a laki?

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Saray Taga Roma 7:22

Diad otel na pusok, malikeliket ak ed ganggay Dios.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Saray Salmo 119:92

No ag labat sobul na gayagak so ganggan mo, inatey ak la komun lapud paniirap ko.

Probirbio 21:16

Siopamay ag to ikakanay olo to manaalagar ed sikato so patey.