Probirbio 20:6 - Maung A Balita Biblia

⁶ Sasalitaen na balang sakey no panoy inkatoor to, balet salim ya anapen no siopay tuan matoor!

Maung a Balita Biblia

⁶ Sasalitaen na balang sakey no panoy inkatoor to, balet salim ya anapen no siopay tuan matoor!

Probirbio 20:6 Referans Kwoze

Saray Salmo 12:1

Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

Mateo 6:2

“Kanyan no mangiter kay payabol, ag ka mamapaknul na trumpita a pangipakabat mo, a singa gagawaen da ray totoon mansimpisimpitan diad saray sinagoga tan daladalan. Gagawaen da ya pian idayew iray totoo. Tandaan yo ya! Naawat da lay tumang da.

Lucas 18:8

Kuankod sikayo: iter ton tampol so kanepegan da. Balet no onsabiy Anak na Too, wala kasiy nasabian ton pananisia diad mundo?”

Lucas 22:33

“Katawan,” ebat nen Pedro, “sipaparaan ak a napriso tan ompatey a kaiba ta ka!”

Lucas 18:11

Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Probirbio 27:2

Paidayew kad arum a totoo—anggan saray sangkaili; ag mon balut idadayew so sikan dili.

Probirbio 25:14

Saray totoon mangisisipan a mangiter ya ag da lamlamang totooren et aliling day lorem tan dagem ya ag lamlamang mangipepelag na oran.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

2 CORINTO 12:11

Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya “apostol”.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Lucas 18:28

Inkuanen Pedro, “Ag mo lilingwanan a tinaynan mi ray abung mi tan tinmombuk kamid sika.”

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Ecclesiastes 7:28

Nananap ak na arum ya ebat, balet anggapoy arumog ko. Arumog kon sanlibo so sakey a laki a nayarin galangen ko, balet anggapoy anggan sakey a bii.

Probirbio 20:5

Saray kanunotan na too et singa ra danum a walad aralem a bobun, balet say toon walay pakatalus to, nayarian to ran asulen.

Saray Salmo 12:2

Mantitilaan la ray totoo; manlolokowan tan mampapalikdowan ira.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.