Probirbio 20:28 - Maung A Balita Biblia

²⁸ Mansiansian walad pakaoley so ari legan a say oley to et maptek, matonung, tan malinis.

Maung a Balita Biblia

²⁸ Mansiansian walad pakaoley so ari legan a say oley to et maptek, matonung, tan malinis.

Probirbio 20:28 Referans Kwoze

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Probirbio 16:12

Ag nepeg ya abuloyan na saray arari so panggawa na kaogsan, ta say inkatonung so mamapabiskeg ed pakaoley.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Saray Salmo 101:1

Nipaakar ed inkatonung tan inkatoor yan kantak; et sika, O Katawan, so pangakantaan ko.

Saray Salmo 26:1

Katawan, ibawag mo pan anggapoy kasalanan ko, ta maung iray gagawaen ko tan sigput so panmamatalek kod sika.

Saray Salmo 21:7

Manmamatalek so ari ed Katawan; lapud ag mangoman a panangaro na Sankatageyan a Katawan, niarawi lawas ed kaatapan.

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Saray Salmo 61:7

Panoley mo pan anggad angga, O Dios, diad arap mo; iyagel mo pa diad panamegley na ag mangoman a panangarom tan inkatoor mo.

Saray Salmo 40:11

Katawan, amtak ya ag mon balut tondaan so pangakasim ed siak! Say ag mangoman a panangarom tan say katooran mo et iyarawi da ak lawas ed kaatapan.

Probirbio 3:3

Ag mo ikakaindan so katotoluk tan say inkatoor. Isinger mo rad beklew mo tan isulat mo rad pusom.

Daniel 4:24

“Saya sirin so kabaliksan to, Kagalang ya Ari, tan sikato yay imbawag na Sankatageyan a Dios a nagawad sika.