Probirbio 20:20 - Maung A Balita Biblia

²⁰ No isambam iray ateng mo, mansamput a singa lamparaan a naerep ed kabilongetan so bilay mo.

Maung a Balita Biblia

²⁰ No isambam iray ateng mo, mansamput a singa lamparaan a naerep ed kabilongetan so bilay mo.

Probirbio 20:20 Referans Kwoze

Exodo 21:17

“Siopamay mangisamba ed ama to odino ina to, nepeg a pateyen.

Probirbio 30:11

Wala ray totoon isasamba ray kaamaan da, tan ag da pisasalamatan iray kainaan da.

Probirbio 24:20

Anggapoy maung ya arapen na toon maoges—naandi so antokaman a kawalaay ilalo to.

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

Mateo 15:4

Ta inkuay Dios, ‘Igalang moy amam tan inam,’ tan ‘Nakaukolan ya ompatey so siopaman a toon mamapaoges ed ama o ina to.’

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Levitico 20:9

Say Katawan inter to ray onggendan a totontonen. Siopamay mangisamba na ama to odino ina to et nepeg a pateyen; sikaton dili so makasengeg na ipatey to.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Mateo 25:8

Inkuanda ra may kulang na kalakal ed saramay makalakal, ‘Itdan yo kami pay larak yo, ta nanaerep la ray lamparaan mi.’

Mateo 22:13

Inkuanto may arid saray aripen to, ‘Balur yo ray lima tan sali to tan ibantak yod kabilongetan ed paway. Onnangis diman tan onngalatenget iray ngipen to.’

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Deuteronomio 27:16

“‘Napelag komun so samba na Dios ed siopaman ya ag to igalang so ama odino ina to.’ “Insan onebat iray amin a totoo, ‘Amen!’

Say Libro nen Job 18:18

Taynan to lay liwawa ya onarap ed kabilongetan; taynan to lay tapew na dalin.

Probirbio 20:21

No mainomay mo ya apasegep so kayamanan mo, daiset so iter tod sikan kamaungan.