Probirbio 20:19 - Maung A Balita Biblia

¹⁹ Say managtalabutob ag balut makaamut. Arawian mo ray totoon mapalalon malabir.

Maung a Balita Biblia

¹⁹ Say managtalabutob ag balut makaamut. Arawian mo ray totoon mapalalon malabir.

Probirbio 20:19 Referans Kwoze

Probirbio 11:13

Ag nipiya so sikrito ed toon managtalabutob, balet nipiya so antokaman ed toon napanmatalkan.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Probirbio 18:8

Masamsamit a singa kakanen so talabutob—labalabay tayon akmonen!

Probirbio 13:3

Alwaran moy panagsalitam, pian niagel moy bilay mo. Say toon anggapoy adyad panagsalita dederalen toy sikaton dili.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Probirbio 16:29

Saray totoon maruksa papalikdoen da ray kakaaro ra tan iwawanwan da rad deral.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.