Probirbio 2:20 - Maung A Balita Biblia

²⁰ Kanyan nepeg mon aligen so kabibilay na saray maung a totoo tan mambilay kan matonung.

Maung a Balita Biblia

²⁰ Kanyan nepeg mon aligen so kabibilay na saray maung a totoo tan mambilay kan matonung.

Probirbio 2:20 Referans Kwoze

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

3 Juan 1:11

Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 119:63

Kaaro ak na amin da ray manlilingkur ed sika, amin da ray mangoonur na saray ganggan mo.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Probirbio 4:11

Imbangat kod sikay kakabatan tan inwanwan ta kad dalan na matonung a panagbilay.

Probirbio 8:20

Pankukurangan koy dalan na katunongan; totombuken ko ray basbas na kaptekan;