Probirbio 19:23 - Maung A Balita Biblia

²³ Pagalangan moy Katawan, et nawalaan kay andokey a bilay, apenek, tan arawid kaatapan.

Maung a Balita Biblia

²³ Pagalangan moy Katawan, ed nawalaan kay andokey a bilay, apenek, tan arawid kaatapan.

Probirbio 19:23 Referans Kwoze

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Saray Salmo 90:14

Penek mo kami pan kinabwasan na ag mangoman a panangarom, pian mankanta tan manliket kami legay bilay mi.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

Probirbio 10:27

Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Saray Salmo 91:16

Tumangan ko ra na andokey a bilay, tan ilaban ko ra.”

Saray Salmo 25:13

Onaligwas ira lawas, tan nakayaryan na saray anak da so dalin.

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Salmo 91:10

anggapoy maoges a nagawad sika, tan anggapoy inkaruksan nagawad abay na abung mo.

Probirbio 11:19

Mambilay so toon pilalek to lawas so manggaway katonungan, balet ompatey so toon ipasoot toy manggaway kaogsan.

Probirbio 19:22

Kapepelag ed kababaingan so inkaagom; magmaung ni ray totoon mairap-bilay nen saray totoon matila.

Probirbio 3:24

Ag ka ontakot no onla ka lad dokulan mo, tan masamsamit so ogip mon sanlabi.

Probirbio 22:4

Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.