Probirbio 19:21 - Maung A Balita Biblia

²¹ Nayarin mamplano na amin a bengatla iray totoo, balet say linawa na Katawan so nasumpal.

Maung a Balita Biblia

²¹ Nayarin mamplano na amin a bengatla iray totoo, balet say linawa na Katawan so nasumpal.

Probirbio 19:21 Referans Kwoze

Probirbio 16:9

Nayarin mamplano ka, balet say Katawan so mangiwawanwan ed saray gawam.

Isaias 14:24

Say Katawan a Makapanyarin-amin sinambaan to: “Nasumpal so antokaman ya implanok. Nagawa so antokaman a ginetmak a gawaen.

Probirbio 16:1

Nayarin mamplano tayo, balet say Dios so makaoley ed pakasumpal da.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Ecclesiastes 7:29

Saya labat so naaralan ko: Pinalsa na Dios a maptek so too, balet say too amayamay so sinmeseksek a kaogsan ed olo to.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Saray Salmo 21:11

Mamplaplano ray maoges tan mankokomplut ira sumpad sikato, balet ag ira manalo.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Probirbio 12:2

Pakaliliketan na Katawan iray totoon matonung, balet sisintinsiaan ton nadusa iray mamplaplanoy kaogsan.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Saray Salmo 83:4

Kuanda, “Gali dia, deralen tayoy bansa ra, pian nalingwanan lan andi-anggaan so Israel.”

Probirbio 19:22

Kapepelag ed kababaingan so inkaagom; magmaung ni ray totoon mairap-bilay nen saray totoon matila.

Jeremias 44:29

Siak, say Katawan, iter kod sikayo yan tanda a dusaen ta kayo ed sayan pasen, tan ontua so sipan kon paneral ed sikayo.

2 Samuel 17:14

Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

Ezekiel 20:32

Ginetma yo lan magmaliw kayon singa saray arum a bansa, singa saray totoon mambibilay ed arum a bansa tan mangigagalang irad saray kiew tan saray baton-dampay. Balet ag balut itan nasumpal a kanunotan yo.