Probirbio 19:11 - Maung A Balita Biblia

¹¹ No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Maung a Balita Biblia

¹¹ No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 19:11 Referans Kwoze

Probirbio 16:32

Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Probirbio 15:18

Say toon mapetang na olo igagapo toy sangsangan, balet say toon maanos mangiiter na kareenan.

Probirbio 12:16

No makapasnuk so makulang-kulang a too tampol ya ipapatnag to, balet say toon makatalus palalabasen toy panamabaing.

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

Probirbio 20:3

Kagalangan na sakey a too so ompaliis ed golo; balet magolo ray makulang-kulang.

Probirbio 25:21

No narasan so kabosul mo itdan moy naakan to; no napgaan itdan moy nainom to.

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

2 Saray Arari 5:12

Insan, sakey ni, ag ta malinis ni ra may ilog na Abana tan Farpar diad Damasco nen say dinanman ya ilog diad Israel? Diman ak la komun nanoras, et apaabig ak la!”

Probirbio 11:13

Ag nipiya so sikrito ed toon managtalabutob, balet nipiya so antokaman ed toon napanmatalkan.

Probirbio 29:11

Saray totoon makulang-kulang ag da iyaamut so pasnuk da, balet maanos tan napokpokan day pasnuk da iray totoon ikakana ray olo ra.

Probirbio 20:22

Ag ka ombabales ed antokaman a maoges. Diad Katawan ka manmatalek, et tulongan to ka.